TUZO ZA KILI BALA....!!

Mwanamuziki na mtayarishaji muziki kutoka ndani ya studio za Big Tyme Production, Said Comorien amesema kuwa, ameshangazwa na mchakato mzima wa utoaji tuzo za muziki 2007 (Tuzo za Dandu) ambao umefanyika ndivyo sivyo.Said alisema kuwa ameshangaa kuona watu waliostahili kutunukiwa ndiyo waliokosa na ambao hawakustahili ndiyo waliotwaa na kwamba amesikitishwa na kitendo cha waandaaji kuingiza uzawa huku wakijali maslahi yao binafsi kitu kinachopoteza maana halisi ya tuzo hizo ambazo ziliasisiwa na marehemu James Dandu.“Mwaka jana mimi ndiye niliyetayarisha nyimbo nyingi kali, karibuni nusu ya wasanii waliotwaa tuzo au kushiriki kuwania tuzo hizo wametengeneza nyimbo kwangu, lakini cha ajabu mimi ambaye ni prodyuza wao nimeambulia patupu, inakatisha tamaa sana,” alisema Comorien.Tuzo hiyo iliyokuwa inawaniwa na watayarishaji bora wa muziki ilikwenda kwa Marco Chali kutoka MJ Record.Newz hii imedondoshwa na abdallahmrisho.blogspot.com